Tiña que suceder: XENERA ten empuxe e os números seguen. A eléctrica galega que se presentou en sociedade a través dun produto chamado “A Vaquiña polo que vale” é, a día de hoxe, a maior comercializadora eléctrica galega e segue crecendo. Son xa máis de 19.000 os clientes que contrataron a luz con eles.
Coidado, non se me boten encima, digo galega e isto exclúe a antiga GAS NATURAL FENOSA, agora NATURGY. Esta última, a gran dominadora (por inercia) do mercado xeográfico galaico, non é senón de capital catalán e por iso ten alí as súas sedes e paga alí os seus impostos.
Galega pois, XENERA presenta unha oferta innovadora e sinxela, e o mellor de todo: funciona.
Prezo de electricidade sen marxe para a compañía, a cambio de tres euros ao mes polo servizo. Este produto, aderezado coa imaxe tan clásica dunha vaca rubia, compoñen “A Vaquiña polo que vale” e parece que calou entre o público de todas as idades.
Son cautelosos desde a compañía cando se lles pregunta acerca do seu teito de crecemento.
Con todo, pola maneira en que moven as súas ideas e o esforzo investidor (anuncios en televisión, radio, valos, etc…), non parece que apunten baixo.
Así pois, seguindo a liña do propio nome do produto “A Vaquiña polo que vale”, declaramos “Ao César o que é do César”: a comercializadora galega máis importante é
…(retumban tambores)… XENERA.
