Hoxe é o Día Europeo da Rede Natura 2000

Rede Natura 2000
Comparte!

Cada 21 de Maio celébrase o Día Europeo de Rede Natura 2000. Unha ocasión para que a sociedade teña máis coñecemento sobre os Espazos Naturais Protexidos que se inclúen nela e contribúa á súa conservación.

Segundo Activa Rede Natura 2000, a pesar da importancia desta Rede, o 85% dos españois di non saber nada destes espazos. Do 15% restante, tan só o 8% recoñece que lle soa “algo”. Ademais, deste 15% un 10,5% non é capaz de citar un lugar pertencente á Rede Natura 2000.

Hoxe é un bo día para descubrir máis sobre ela.

Que é a Rede Natura 2000?

A Rede Natura 2000 é un conxunto de Espazos Naturais Protexidos, que se declararon para a conservación de determinadas especies e hábitats que viven neles.

Na actualidade está formada por máis de 27.000 espazos de alto valor ecolóxico en toda Europa, constituíndo a máis ampla e ambiciosa rede de Espazos Naturais Protexidos do mundo!.

A Rede Natura 2000 naceu no ano 1992 e inclúe dous tipos de figuras de protección, designados en virtude de dúas leis europeas:

  • A Directiva de Hábitats orixinou os LIC, Lugares de Importancia Comunitaria. Estes albergan tipos de hábitats naturais ou especies de singular valor que é necesario conservar. Os LIC pasan a chamarse ZEC, Zonas Especiais de Conservación, cando teñen aprobado os seus plans ou instrumentos de xestión e son declarados oficialmente polos Estados Membros da Unión Europea.
  • A Directiva de Aves deu lugar ás ZEPA, Zonas de Especial Protección para as Aves. Son lugares que albergan especies de aves silvestres, a conservar no ámbito da Unión Europea.

Tanto os LIC como as ZEPA poden ser zonas terrestres ou zonas mariñas, aínda que a rede mariña está moito menos desenvolta que a terrestre.

A protección destes espazos pretende garantir a supervivencia a longo prazo das especies e hábitats europeos máis valiosos e ameazados. En España, o 30% do noso territorio forma parte da Rede Natura 2000, o que dá mostra da nosa gran riqueza en natureza e biodiversidade. Ademais, somos o país que máis superficie achega á rede, con máis de 1.800 espazos.

Podes contribuír á difusión deste día tan importante, cun doado xesto: Realiza unha foto facendo a bolboreta coas túas mans e súbea aquí ou compártea en redes sociais, co hashtag #natura2000day. O simple aleteo dunha bolboreta pode cambiar o mundo!

Rede Galega de Espazos Naturais Protexidos

A rede galega de espazos naturais protexidos representa máis do 12% da superficie total de Galicia. Nela recóllense aqueles espazos naturais que dispoñen dun réxime especial de protección, que pode ser:

  • Reserva Natural
  • Parque Natural
  • Parque Nacional
  • Monumento Natural
  • Humidal Protexido
  • Paisaxe Protexida
  • Zona de Especial Conservación dos Valores Naturais ( ZEPVN). Decláranse deste xeito os espazos naturais da Rede Natura 2000, que non teñan outra figura de protección. Nestas zonas é posible a realización de usos e actividades tradicionais, sempre que non vulneren os valores protexidos. Distinguimos entre Zonas Especiais de Conservación (ZEC) e Zonas de Especial Protección para as Aves (ZEPA):

Zonas Especiais de Conservación en Galicia:

A Marronda
Encoro de Abegondo-Cecebre
Ría de Foz-Masma
A Ramallosa
Enseada de San Simón
Río Anllóns
As Catedrais
Estaca de Bares
Río Cabe
Baixa Limia
Esteiro do Tambre
Río Eo
Baixo Miño
Fragas do Eume
Río Landro
Betanzos-Mandeo
Gándaras de Budiño
Río Lérez
Bidueiral de Montederramo
Illas Cíes
Río Ouro
Brañas de Xestoso
Illas Estelas
Río Tambre
Cabo Udra
Macizo Central
Río Támega
Canón do Sil
Monte Aloia
Río Tea
Carballido
Monte e Lagoa de Louro
Serra da Enciña da Lastra
Carnota-Monte Pindo
Monte Faro
Serra do Candán
Complexo Húmido de Corrubedo
Monte Maior
Serra do Cando
Complexo Ons-O Grove
Negueira
Serra do Careón
Costa Ártabra
Ortigueira-Mera
Serra do Xistral
Costa da Mariña Occidental
Os Ancares-O Courel
Sistema Fluvial Ulla-Deza
Costa da Morte
Parga-Ladra-Támoga
Sobreirais do Arnego
Costa da Vela
Pena Maseira
Veiga de Ponteliñares
Costa de Dexo
Pena Trevinca
Xubia-Castro
Cruzul-Agüeira
Pena Veidosa

Zonas de Especial Protección para as Aves en Galicia:

A Limia
Costa da Morte (Norte)
Ría de Foz
Ancares
Costa de Ferrolterra-Valdoviño
Río de Ortigueira e Ladrido
Baixa Limia-Serra do Xurés
Esteiro do Miño
Ribadeo
Complexo intermareal Umia-O Grove, A Lanzada, punta Carreirón e lagoa Bodeira
Illa de Ons
Serra da Enciña da Lastra
Complexo Litoral de Corrubedo
Illas Cíes
Costa da Mariña Occidental
Pena Trevinca

Como ves, en Galicia hai máis de 60 ZEPVN, Zonas de Especial Conservación dos Valores Naturais. Canta riqueza natural temos en Galicia!


Cóntanos, coñecías a existencia da Rede Natura 2000 e os espazos naturais protexidos que hai no noso territorio?

ETIQUETAS:
object(WP_Term)#4960 (10) { ["term_id"]=> int(289) ["name"]=> string(27) "Espazos Naturais Protexidos" ["slug"]=> string(27) "espazos-naturais-protexidos" ["term_group"]=> int(0) ["term_taxonomy_id"]=> int(289) ["taxonomy"]=> string(8) "post_tag" ["description"]=> string(0) "" ["parent"]=> int(0) ["count"]=> int(1) ["filter"]=> string(3) "raw" }
Espazos Naturais Protexidos
object(WP_Term)#4916 (10) { ["term_id"]=> int(259) ["name"]=> string(7) "Galicia" ["slug"]=> string(7) "galicia" ["term_group"]=> int(0) ["term_taxonomy_id"]=> int(259) ["taxonomy"]=> string(8) "post_tag" ["description"]=> string(0) "" ["parent"]=> int(0) ["count"]=> int(2) ["filter"]=> string(3) "raw" }
Galicia
object(WP_Term)#4947 (10) { ["term_id"]=> int(290) ["name"]=> string(11) "Natura 2000" ["slug"]=> string(14) "natura-2000-gl" ["term_group"]=> int(0) ["term_taxonomy_id"]=> int(290) ["taxonomy"]=> string(8) "post_tag" ["description"]=> string(0) "" ["parent"]=> int(0) ["count"]=> int(1) ["filter"]=> string(3) "raw" }
Natura 2000

Deixa un comentario

O teu enderezo electrónico non se publicará Os campos obrigatorios están marcados con *