Fiestras solares teñen potencial para cubrir boa parte da demanda de electricidade dos Estados Unidos
Investigadores da Michigan State University traballan nuns paneis transparentes que se poden usar como fiestras ó mesmo tempo que xeran electricidade.
A superficie acristalada dos Estados Unidos suma uns 7 billóns de metros cuadrados. Poñer toda esta superficie a producir electricidade pode supor unha importante fonte de xeración de enerxía.
A investigación está a dar bos resultados e predicen que en pouco tempo esta tecnoloxía de células solares en fiestras de edificios, coches, etc., e otros obxectos transparentes pode chegar a ser unha fonte de enerxía masiva.
“As células solares altamente transparentes son a última aplicación na tecnoloxía da enerxía solar”, comenta Richard Lunt, profesor de Enxeñería Química e Ciencia dos Materiais na Michigan State University. Comenta que “analizamo-lo seu potencial e mostra que tomando só luz invisible, estos aparellos poden ter un potencial de producción de electricidade similar ós teitos solares, ó mesmo tempo que poden dar máis funcionalidades para aumenta-la eficiencia de edificios, coches e dispositivos electrónicos móviles”.
O material está diseñado para captar só luz ultravioleta e casi infravermello. As versións comerciais destes novos paneis solares estaranse a comercializar nos próximos anos, comenta o profesor Lunt.
O cálculo do potencial desta nova tecnoloxía da uns resultados que, de comprobarse finalmente na realidade, son realmente abraiantes: cos sete billóns de metros cuadrados de superficie acristalada que hai instalada nos Estados Unidos poderíase cubrir un 40% das necesidades de enerxía do país. Pero non só esto: según os autores do estudio poderase chegar a prácticamente o 100% cando se millore a capacidade de almacenamente da enerxía.
No 2016 a enerxía solar foi un 1,4% do total da enerxía eléctrica xerada nos Estados Unidos, subindo desde un 0,1% no 2010. Ó mesmo tempo, o custo de instalar paneis solares tradicionais nos Estados Unidos caeu máis dun 70% desde 2010.
En Inglaterra esta porcentaxe sube ó 3,4% no 2016, a pesar de que a meteoroloxía neste país non é precisamente das máis soleada.
Mentres que en España a porcentaxe foi do 5,2% no mesmo ano.
