Próximas festas gastronómicas galegas

• XIV Festa da Esfolla en Moeche: 6 de decembro.

A partir das 14:30 horas poderanse degustar empanada, callos, bebidas e sobremesa. A partir das 17:00 horas comezará a esfolla do millo coa actuación da formación Quenindiole.

• XXXI Festa do Marisco da Ría do Barqueiro en Mañón: 6 e 7 de decembro.

O domingo abrirase a carpa instalada en O Porto do Barqueiro, onde se poderá degustar un xantar a base de marisco variado. A festa estará amenizada pola charanga NBA e a formación O Son do Sor.

Provincia de Lugo:

• XIII Tapicheo en Sarria: do 4 ao 8 de decembro.

Os establecementos hostaleiros participantes ofrecerán tapas a un módico prezo. O horario de degustación será de 20:00 a 23:00 horas, podendo os locais ampliar o horario ao mediodía, de 13:00 a 15:00 horas. Haberá unha tarxeta de votación para que os clientes/as poidan valorar cada tapa.

• XII Festa do Mexillón en Becerreá: 7 de decembro.

Poderanse degustar racións de mexillóns -preparados de distintas formas- e asistir aos actos programados, que comprenderán un mercado do Nadal da Asociación As Candeas, atraccións infantís e a animación musical de dúo X- Plosión.

• XXI Festa da Pisa da Castaña de Froxán en Folgoso do Courel: 7 de decembro.

Inicio ás 11:30 horas co aceso do sequeiro e a explicación do seu funcionamento. Ás 12:30 horas comezará a demostración do pisado da castaña seca e o abandoxado de forma tradicional. Ás 13:30 horas terá lugar a lectura ao pregón, a cargo do actor Xosé Barato.

Ás 14:00 horas dará inicio o xantar do pisador, onde os presentes poderán degustar castañas acompañadas de produtos de porco e sobremesas elaborados con castaña.

Provincia de Ourense:

• XX Festa da Freba en Petín: 6 de decembro.

A partir das 14:30 horas poderase degustar a tradicional carne de freba á brasa, consomé, chourizos cocidos con cachelos, sobremesas caseiras e bebidas. Finalizado o xantar terá lugar a actuación de Disco Stuu.

• XII Festa do Pan da Baixa Limia en Bande: 7 de decembro.

Celébrase na parroquia de Corvelle, do municipio de Bande. Os actos comezarán ás 11:00, co inicio dos obradoiros de elaboración de pan de millo e de centeo, que se prolongarán ao longo da mañá e que terán lugar no forno comunal. Sobre as 13:00 horas dará inicio a degustación gastronómica deste delicioso pan e de tódolos produtos elaborados no forno. A festa estará animada con música tradicional galega.

Provincia de Pontevedra:

• XIII Festa da Fabada en Sanxenxo: 6 de decembro.

Nesta xornada en honra a San Antonio, celebrarase desde as 12:00 horas a Festa da Fabada, onde os presentes poderán degustar unhas deliciosas racións de fabada a prezos populares mentres gozan coa música do dúo Xplosión. Ás 12.30 horas terá lugar a misa cantada polo coro Folk Sanxenxo seguida de procesión e pasacalles co grupo de gaitas Breteva de Nantes. Pola noite as orquestras Miramar e A Onda ADN animarán a verbena.

Haberá inchables gratis para os máis pequenos desde mediodía.

• XXV Festa Gastronómica da Richada en Forcarei: do 6 ao 8 de decembro.

Esta festa gastronómica vense celebrando desde o ano 1993, logrando co paso dos anos maior prestixio e visitantes.

• I Festa dos Callos de Teis en Vigo: 6 e 7 de decembro.

Das 10:00 horas ás 18:00 horas será posible achegarse á carpa instalada nas proximidades do Mercado de Teis para mercar as racións de callos. Haberá música en directo e inchables para os máis pequenos.

• IV Raxofesta en Barro: 7 e 8 de decembro.

Ademais de degustar raxo cociñado de diferentes formas, os asistentes poderán asistir aos diversos actos lúdicos programados para a ocasión.

• XIV Festa dos Callos de Matalobos en A Estrada: 8 de decembro.

Ás 14.30 horas dará comezo a décimo cuarta edición da Festa dos Callos. Pola tarde, a partir das 16:30 horas, comezará a verbena coa orquestra Compostela e a charanga BB+.

• VIII Festa dos Callos de Castrelo en Cambados: 8 de decembro.

Os asistentes poderán degustar a partir das 14:00 horas de callos, bebidas e sobremesa, con celebración das badaladas da sorte. A festa contará coa animación musical de Marieta. Tamén haberá inchables para os máis pequenos.