A potencia do mar: científicos descobren unha nova maneira de producir enerxía
O revolucionario método produce enerxía eléctrica a partir da auga do mar, coa axuda do sol. En vez de sacar hidróxeno, a nova célula fotoelectroquímica produce peróxido de hidróxeno para electricidade.
Enerxía mariña
Investigadores da Universidade de Osaka desenvolveron un método para converti-la auga do mar en peróxido de hidróxeno (H2O2) usando a luz solar, a partir do que se pode producir electricidade, almacenada en baterías. Sería unha nova enerxía alternativa, neste proceso de cambio ás “green energy”, que estamos a vivir a nivel mundial.
Este novo método ten como finalidade un mellor aproveitamento da enerxía solar. Para utiliza-la enerxía solar pola noite hai que almacena-la nalgunha forma de enerxía química, e usar ésta como combustible para producir electricidade. Para consegui-lo, as tecnoloxías anteriores baseábanse en extraer hidróxeno a partir de moléculas de auga doce. O problema é que este hidróxeno ten unha baixa tasa de conversión enerxética a partir do sol e é difícil de almacenar.
O novo proceso conta cunha nova célula fotoelectroquímica para producir H2O2 cando a luz do sol ilumina o fotocatalizador, que absorve os fotóns e inicia reaccións químicas con enerxía hasta producir H2O2.
Un test de 24 horas mostrou que a concentración de H2O2 no auga do mar é duns 48 mM (milimolar), frente a só 2 mM no caso da auga doce. Esto débese á concentración negativa do cloro presente na auga do mar, que favorece o proceso de fotocatálisis.
A pesar disto, o novo método aínda non é tan efectivo como outros procesos de captación solar, pero é un comenzo moi inovador a ter en conta de cara ó futuro. Os investigadores esperan aumenta-la eficiencia con mellores materiais así como disminuí-los custos. Esto podería levar a reemplaza-los actuais custosos sistemas de producción de H2O2 a partir de H2 (principalmente usando gas natural) e O2.
