O prezo da enerxía é un tema de preocupación a nivel social, a poboación busca a maneira de aforrar para non ter que asumir facturas desorbitadas. Por iso, nesta entrada queremos dar algún consello sobre a utilización eficiente dos electrodomésticos en casa para poder aforrar nas túas facturas da luz.
Como podemos imaxinar, o consumo dos electrodomésticos durante os meses de verán non debería ser distinto aos meses de inverno, o que cambia son os nosos hábitos de consumo.
Existen datos sobre o consumo de enerxía nos domicilios españois nos meses de verán. Segundo datos da Rede Eléctrica Española consómese case tanta electricidade en xullo como en febreiro, isto débese ás altas temperaturas que estamos a sufrir neste último mes. Por iso, é interesante falar do uso do aire acondicionado e doutros electrodomésticos usuais nos meses de verán.
ELECTRODOMÉSTICOS QUE MÁIS CONSOMEN NO VERÁN:
1. Aire acondicionado.
Aínda que non se considere electrodoméstico como tal, é o aparello que máis enerxía consome sen dúbida nos nosos fogares durante o verán. É interesante saber que a temperatura perfecta para unha vivenda está entre os 20-21 ºC durante o día e os 15-17º e pola noite. Asegúrache que na túa vivenda non pos unha temperatura inferior a esta xa que non é necesario e vaise a afectar no teu consumo de enerxía. Ademais, o ventilador é a mellor alternativa para evitar o uso do aire acondicionado xa que a diferenza de consumo é realmente significativa. Tamén se pode reducir a temperatura do teu fogar sen utilizar aparellos eléctricos como ter plantas en casa, ter sempre as persianas baixadas durante o día se non estás na casa e as xanelas pechadas durante as horas de máis calor.
2. Neveira.
Durante o inverno é o electrodoméstico que máis gasta, non é de sorprender xa que sabemos que ten que estar a funcionar durante todo o día para manter os alimentos, pero hai unhas cantas cousas que debemos de ter en conta para que non consuma máis do que debería. Algunhas delas son: tentar abrir o frigorífico o menos posible xa que cada vez que abres a porta da neveira, pérdese máis frío que no inverno. Non meter pratos quentes no frigorífico e esperar a que se arrefríen fose tamén nos vai a axudar a facer un uso máis eficiente deste electrodoméstico. Por último, asegurarme que a miña neveira está lonxe de puntos de calor como o sol ou calefactores tamén repercutirá nunha boa eficiencia enerxética.
3. Vitrocerámica.
Desde a pandemia, a cociña púxose máis de moda que nunca, e no verán en consecuencia ás vacacións, a xente ten máis tempo para cociñar polo que fai que o uso deste electrodoméstico sexa maior. É recomendable no verán, aproveitar para facer comidas frías e non utilizar tanto a cociña, como tamén asegurarse de utilizala en horas vale, aproveitar as horas da noite ou da mañá para facer a comida xa que a enerxía nestas horas é máis económica.
Por outra banda, dentro de toda a gama de vitrocerámicas, é recomendable apostar sempre polas de indución xa que son máis eficientes enerxéticamente. Por iso, é importante en todos os electrodomésticos fixarse sempre na etiqueta de certificado de eficiencia enerxética.
4. Lavadora.
Outro dos electrodomésticos que máis enerxía consome durante todo o ano. No verán, deberiamos aproveitar o pouco espazo que ocupa a roupa para asegurarnos de poñer a lavadora en marcha cando estea chea e así evitar coadas innecesarias. Ademais, resulta moi sinxelo facer un uso eficiente deste electrodoméstico utilizando programas curtos e lavados en frío.
A estes engadiriamos a lavadora e o lavalouzas, que son dos electrodomésticos que máis enerxía consomen durante todo o ano, pero non se ve afectados pola estación en si. Non podemos considerar que teñan un pico de consumo durante os meses de verán.
