XENERA continúa co seu proceso de crecemento e expansión, coa recente adquisición da Eléctrica de Melón (Ourense), a compañía que se encarga da distribución de enerxía eléctrica aos consumidores finais (fogares e empresas) deste municipio de máis de 1.200 habitantes, así como a boa parte dos municipios veciños de Ribadavia e A Cañiza.
O grupo levou a cabo esta acción co obxectivo de seguir impulsando o desenvolvemento das zonas rurais galegas -en moitas ocasións faltas de axudas públicas que favorezan o seu progreso económico e social- e de reforzar a súa presenza en Galicia.
A maior distribuidora eléctrica de capital 100% galego
A eléctrica de Melón é a sexta distribuidora eléctrica do grupo, que conta tamén coa Sociedade Electricista de Tui – S.E. T.A. (en Tui, Pontevedra), que foi a pioneira do grupo e leva en funcionamento máis de 120 anos, San Miguel (tamén en Ourense), Cerler (en Huesca), SERFSA (en Ribera del Fresno, Badaxoz) e O Progreso do Pirineo (no Pirineo Español, principalmente na provincia de Lleida, Cataluña). O nexo común destas distribuidoras é o feito de atoparse en localidades non demasiado extensas, que as grandes empresas enerxéticas non teñen especial interese en promover.
XENERA é a principal comercializadora 100% galega e, coa incorporación da Distribuidora Eléctrica de Melón, o grupo tamén representa a maior distribuidora eléctrica de capital totalmente galego.Distribución de electricidade en España
A nivel nacional existen máis de 300 distribuidoras eléctricas e cada unha delas opera nunha área xeográfica determinada, segundo establece a lexislación europea e nacional en materia de funcionamento do sector eléctrico. Soamente cinco das distribuidoras dominan o mercado eléctrico español.
O feito de que a partir de agora XENERA vaia a xestionar a Distribuidora Eléctrica de Melón permite manter a independencia con respecto ás cinco distribuidoras dominantes, favorecendo unha xestión máis personalizada e próxima, e achegando máis axilidade nos trámites para o beneficio dos consumidores finais da zona.
Funcións das distribuidoras
As empresas distribuidoras son as encargadas de manter, ampliar e mellorar a rede de distribución eléctrica, é dicir a parte “física” da distribución de electricidade: cables, centros de transformación, acometidas, contadores…Polas súas redes flúe a electricidade que as empresas xeradoras inxectan e que as comercializadoras –como XENERA- adquiren para os seus clientes.
En definitiva, as distribuidoras son as responsables de garantir a subministración, reparar avarías e facer as lecturas dos contadores. O usuario final non pode cambiar de distribuidora, senón que estará suxeito á que lle corresponda por zona.
