21 DE OUTUBRO, DÍA MUNDIAL DO AFORRO DE ENERXÍA
Desde Xenera unímonos á celebración do Día Mundial do Aforro de Enerxía. Unha data na que se reivindican as vantaxes que supón o consumo eléctrico sostible para o planeta Terra.
Sen dúbida, a produción de enerxía renovable é esencial para unha economía sostible, pero aínda así, debemos tentar diminuír o gasto enerxético. Hoxe facemos un repaso sobre pequenos cambios no nosos hábitos que poden chegar a ser moi efectivos para reducir o consumo de enerxía.
CONSELLOS PARA AFORRAR ENERXÍA
1- Intenta asegurarte de que tes unha potencia contratada adecuada ás túas necesidades, e que non é superior ao que realmente necesitas.
2- Aposta polo baixo consumo. Escolle electrodomésticos que gasten menos, aqueles que teñen a etiqueta enerxética de categoría A+++.
3- Illamento térmico. A túa vivenda debe estar ben illada, isto supoñerá un menor uso tanto da calefacción como do aire acondicionado.
4- Utiliza sempre que poidas luz solar. É algo moi obvio que ás veces cústanos poñer en práctica. Non encendas as lámpadas de forma innecesaria cando hai luz solar.
5- Aproveita ao máximo a capacidade dos electrodomésticos. Especialmente aqueles que máis consomen como o forno, a lavadora ou a secadora. Tenta aproveitar toda a súa capacidade e evita utilizalos cando non estean cheos.
6- Evita o consumo pantasma. Lembra sempre desenchufar aqueles aparellos que non esteas a utilizar xa que poden consumir ata un 7% de enerxía se están conectados e non están a ser utilizados. Unha boa alternativa a esto é utilizar alargadores con interruptor para asegurarse de que están apagados.
7- Contrata unha tarifa de luz cun prezo xusto, como a tarifa A vaquiña polo que vale de Xenera, na que pagas a enerxía a prezo de mercado e con discriminación horaria.
Cóntanos, aplicas estas ou outras medidas para reducir o consumo de enerxía na túa vivenda?
