Grazas á Batería Virtual de Xenera, ofrecémosche unha forma na que cobrarás toda a enerxía que vertes a rede. Podes lograr que a túa factura sexa negativa. É a opción máis beneficiosa para a túa instalación de placas solares.
Ata o momento, a única forma de aforrar na túa factura de luz por medio de placas solares era utilizar a enerxía para o consumo eléctrico da túa vivenda, de maneira inmediata e mediante compensación de excedentes tradicional.
A batería virtual de Xenera é un servizo que se encarga de almacenar os excedentes non compensables, en factura, das túas placas solares. Podemos dicir que, a Batería Virtual é unha “hucha solar” que vai almacenando en euros toda a enerxía que non estás a poder compensar. Parecida a unha batería física pero sen o seu elevado custo inicial, nin custos de mantemento, e que tampouco ten o enorme impacto ambiental das baterías físicas.
Unha das vantaxes fronte á compensación con excedentes tradicional é que, coa compensación tradicional se temos demasiados excedentes non se poden compensar todos en cada factura, debido á normativa. En cambio, isto non pasa coa batería virtual, xa que todo aquilo que non se pode compensar en cada factura, almacénase na “hucha virtual”. Aproveitando ao máximo toda a enerxía que xera a túa instalación.
Explicámosche o motivo: A modalidade de autoconsumo con compensación excedentes tradicional, consiste en que a enerxía que producen os teus paneis solares e non consumes, vértense á rede. Pero ten un límite, por normativa, e é cando a diferenza entre o que consumes de rede e vertes chega a cero euros. Aínda así, a túa factura nunca poderá ser de 0 €, xa que na factura hai máis conceptos (prezos de potencia, alugueiro do contador, etc).
Pola contra, coa batería virtual xeras unha “hucha virtual”, podendo conseguir que o total da túa factura si sexa 0 €.
En definitiva, grazas á batería virtual, poderás aforrar non só na parte de enerxía (consumo) da túa factura, senón en tódolos termos. Ademais, non necesita ningún investimento inicial e permitirache un gran aforro desde o primeiro día.
Que é a Batería Virtual?
É un servizo de xestión de excedentes que serve para aforrar na factura de luz sen necesidade de instalar unha batería física (que resulta máis cara e daniña para o medio ambiente) e independentemente do momento do día no que consumas a electricidade xerada.
Como funciona?
A nosa Batería Virtual é unha “hucha virtual” que permite gardar os excedentes solares que as túas placas xeran e non podes compensar na túa factura, xa que a normativa actual o impide.
Como se almacenan os excedentes?
Toda a enerxía que non podes compensar na túa factura, almacenámoscha na hucha virtual en forma de euros.
Cando se compensan os excedentes gardados na Batería Virtual?
Descontamos todo o importe que teñas gardado na túa batería virtual na factura de luz inmediatamente posterior a unha na que teñas excedentes non compensables almacenados.
Por exemplo, se nunha factura do mes de febreiro acumulas na túa batería virtual excedentes non compensables, na seguinte factura (do mes de marzo) xa che descontamos o importe
correspondente. Así de rápido para que notes os beneficios da batería virtual canto antes e con frecuencia!
Se aínda non tes placas solares na túa vivenda ou empresa, podes solicitar información no noso teléfono 886 660 616. Se o prefires, déixanos aquí os teus datos e poñerémonos en contacto contigo.
