A Vaquiña polo que Vale

Como galegos que somos, comezamos comercializando o noso produto de ENERXÍA A PREZO DE CUSTO en Galicia. A VAQUIÑA POLO QUE VALE é a marca coa que continuamos traballando todos os produtos de XENERA dentro da comunidade galega.

A tarifa eléctrica da VAQUIÑA POLO QUE VALE é o prezo ao que adquirimos a enerxía no mercado maiorista, sen marxe comercial para nós.

Tamén van na factura os conceptos oficiais comúns a todo consumo deste tipo, como son, entre outros: o custo do contador, as peaxes de acceso, o imposto eléctrico ou o IVE.

Ademais de todo isto XENERA cobrarache os seus “Custos de Xestión”, para obter unha pequena marxe, así como facer fronte aos seus custos de persoal, informática, atención ao cliente…

Aínda que o 95% dos fogares de España ten unha potencia contratada inferior a 10kW, os Custos de Xestión de XENERA son:

>>   Potencias inferiores a 10kW: 3€ ao mes.

>>   Potencias entre 10 e 15kW: 7€ ao mes.

>>   Potencias superiores a 15kW: 12 € ao mes.

O aforro que se obtén na enerxía é dun 16% con respecto aos prezos fixos de mercado libre e dun 23% con respecto ás tarifas planas.

Con isto obtéñense aforros considerables. Por exemplo, fronte a tarifas planas ou prezos fixos de Mercado Libre, dun 23% e un 16% respectivamente.

Condicións válidas para o primeiro semestre de 2019.

AS COUSAS CLARAS

Desde XENERA tratamos de aclarar ao máximo as nosas accións, de maneira que apostes por nós coa máxima tranquilidade. E o mesmo con respecto a facilitarche a mellor comprensión das túas facturas.

É certo que o sector eléctrico é moi complicado, pero por que complicalo aínda máis nas facturas? Así, en XENERA decidimos poñer nelas tanto O PREZO REAL DE CUSTO da enerxía como, nunha liña reservada para iso, os 3€ ao mes que cobramos polo servizo.